:: TVU ::

செய்யுளியல் - நூற்பா எண் 26, 27	153

	`அகவல் தாழிசை அடிமூன்று ஒத்தவாய் அடுக்கிய மூன்றும் ஒன்றாகியும் வருமே.'
	- தொ. வி. 244

	`ஆசிரி யத்துறை அளவில் சீர்வரும் அடிநான்கு ஈற்றயல் ஆதி குறைநவும் இருவழி இடைமடக் கினவும்நால் வகைய.'
	- 240

	`விருத்த விகற்பம் விளக்கிய காலை அகவல் கழிநெடி வடிகொள் விருத்தமே.'
	- 248

	`மூன்றடி ஒத்து வருவதும் ஒருபொருள் மேல்மூன்று அடுக்கி வருவதும் அகவல் தாழிசை ஆமெனச் சாற்றப் படுமே.'
	- மு. வீ. யா. செ. 27

	`அளவடி யாய்ஈற் றயலடி குறைநவும் ஈற்றய லடிகுறைந் திடைமடக் காக வருநவும் இடைஇடை குறைந்து வருநவும் அகவல் துறையென அறையப் படுமே.'
	- 28

	`கழிநெடில் அடிநான்கு ஒத்திறின் அகவல் விருத்தம் என்மனார் மெய்யுணர்ந் தோரே.'
	- 29

கலிப்பாவின் பொதுஇலக்கணம்

736.	துள்ள இசையன கலியே மற்றவை வெள்ளையும் அகவலு மாய்விளைந்து இறுமே.

இது நிறுத்தமுறையானே கலிப்பா ஆமாறு பொது வகையான் உணர்த்துகின்றது.

இ-ள் : துள்ளல் ஓசையைத் தமக்கு ஓசையாக உடைனயவாம் எல்லாம்
கலிப்பாவும்; அக்கலிப்பாக்கள் வெள்ளைச்சுரிதகத்தால்தான் ஆசிரியச்சுரிதகத்தால்தான்
முற்றுப்பெற்று முடியும் என்றவாறு.