| |
| | ஈற்றடி முச்சீராய் அமைவது கலிவெண்பா; ஒரே தரவு
மட்டும் சுரிதகம் பெற்றும் பெறாமலும் வருவது தரவுக்
கொச்சகக்கலிப்பா; இரு தரவு இணைந்து வருவது
தரவிணைக் கொச்சகக்கலிப்பா; இடைஇடையே தனிச்
சொல் பெற்றுத் தரவு தாழிசை தனிச்சொல் சுரிதகம்
என்ற உறுப்புக்களோடு வருவது சிஃறாழிசைக்
கொச்சகக் கலிப்பா; இடையிடையே தனிச்சொல்
பெற்றுத் தரவு ஒன்று, மூன்றுக்குமேல் ஆறுவரை
அமைந்த தாழிசை, தனிச்சொல், சுரிதகம் இவற்றை
உறுப்புக்களாகப் பெற்றுவருவது பஃறாழிசைக்
கொச்சகக்கலிப்பா; தரவு தாழிசை அராகம் தனிச் சொல்
முதலிய உறுப்புக்கள் பிறழ்ந்தும் மயங்கியும் வர
அமைவது மயங்கிசைக் கொச்சகக் கலிப்பா ஆகும் -
என்பது. | | |
| 739 | சீர்ஒத்த இரண்டு முதலிய பல அடிகளை உடையதாய்க்
கடைஅடி நீண்டு வருவது கலித்தாழிசை; நெடிலடி
நான்காய் அளவு ஒத்துமுடிவது கலித்துறை; அளவடி
நான்காய் அளவு ஒத்துமுடிவது கலி விருத்தம் ஆகும்
- என்பது. | 30 | |
| 740 | வஞ்சிப்பா தூங்கல் ஓசையை உடையது; அது
குறளடியானும் சிந்தடியானும் அமைந்து தனிச் சொல்
பெற்று ஆசிரியச் சுரிதத்தான் முடியும் என்பது. | 31 | |
| 741 | குறளடிகள் நான்கு ஒரு பொருள்மேல் மூன்று அடுக்கி
வருவன வஞ்சித்தாழிசை; குறளடிகள் நான்கு தனித்து
வருவது வஞ்சித்துறை. சிந்தடி நான்காய் ஒத்து நடப்பது
வஞ்சிவிருத்தம் ஆகும் - என்பது. | 32 | |