:: TVU ::

278	இலக்கண விளக்கம் - பொருளதிகாரம்

(முற்கு - முக்குதல் ; விளை - சீழ்க்கையடித்தல்)
அனுகரணம் - போலச் செய்தல்.)

	`மன்றலங் கொன்றை மலர்வேய்ந்து, மஃஃறற (உஃகுவஃகு) என்று திரியும் இடைமகனே ! - சென்று மறிஆட்டை உண்ணாமல், வண்கையால் வல்லே, அறியாயோ, அண்ணாக்கு மாறுழு
	- யா. கா. 45 மே.

(இஃது அவிநயனார் காட்டிய பாட்டு)

என வரும். ஒழிந்தனவும் இடைக்காடனார் பாடிய ஆசிரிய முறியுள் கண்டு கொள்க.

இதனான் அறிக.

(46)

ஒத்த நூற்பா

	`எழுத்தல் இசையே அசையொடு சீர்க்கண் நிறைக்கவும் படுமென நேர்ந்திசி னோரே.ழு
		46

ஒப்பு ஆமாறு

756.	ஒப்புஎனப் படுவது ஓதிய செய்யுளுள் தப்பினும் ஒருபுடை சார்த்திமற்று அவற்றையும் செப்பிய பாவொடு சேர்த்தனர் கொளலே.

இஃது ஒப்பு ஆமாறு கூறுகின்றது.

இ-ள் : ஒப்பு என்று சொல்லப்படுவது மேல் சீரும்தளையும் முதலியன
வரையறுக்கப்பட்ட செய்யுளுள் சிலசொன்ன பெற்றியில் திரிந்தும் மிக்கும் குறைந்தும்
வந்தாலும், ஒருபுடை ஒற்றுமை நோக்கிச் சார்த்தி, அங்ஙனம் தவறிய செய்யுட்களையும்
இலக்கண நெறியால் முன் ஓதிய செய்யுட்களின்பால் படுத்திக்கொள்க என்றவாறு.