| தோற்றுவாய் செய்த செய்யுள் என்று சிறப்பித்துச் சொல்லப்படுவதனை விளங்கக் கூறும்
இடத்து, மேல் சொல் ஓத்தினுள்,
|
| | பல்வகைத் தாதுவின் உயிர்க்குஉடல் போல்பல
சொல்லால் பொருட்குஇடன் ஆக உணர்வினின்
வல்லோர் அணிபெறச் செய்வது செய்யுள் | | | | - இ. வி. 169 | | |
எனக் கூறிய இயல்பிற்றாகி எழுத்து முதலிய அறுவகை உறுப்பினையும் பொருத்தமுறத்
தழுவிப் பாவும் பாவினமும் என இரு பகுதியை உடைத்தாம் என்றவாறு.
|
| | `மூவிரண்டு உறுப்பும் மேவரச் சிவணி' | | | | | | |
எனவே, மேவரச் சிவணாதனவும் உள என்பதூஉம் பெற்றாம். அவை, எழுத்து
ஓத்தினுள் கூறிய மாத்திரை வகையும், அகத்து ஓத்தினுள் கூறிய திணை முதலிய
பன்னிரு வகையும் இவ்வோத்துள் கூறப்படும் வண்ணமும், அம்மை முதலிய வனப்பு
எட்டும் அவை போல்வன பிறவுமாம் என்று உணர்க. |
| (1) |
| விளக்கம்
|
| | மேல் நிறுத்த முறையானே என்றது,
`போக்குஅறு மரபின் பொருள்எனப் படுவது
நோக்குஅறு வீடு நுவற்சிசெல் லாமையின்
அறம்பொருள் இன்பம் ஆகும் அதுவே
அகனும் புறனுமென்றுஆயிரு பாற்றாய்
வகைபட வந்த அணிநலம் தழீஇச்
செய்யுள் இடவயின் புல்லிய நெறித்தே' | | | | - இ.வி.பொ.2 | | |
| என்ற நூற்பாவினை உட்கொண்டு சொற்றது. |