:: TVU ::

செய்யுளியல் - நூற்பா எண் 3	47

இ-ள்: நேர் அசை என்றும் நிரை அசை என்றும் மேல் கூறிய அசை இரண்டு
வகையினை உடைத்தாம் என்றவாறு.

(4)

விளக்கம்

நிறுத்த முறை - முதல் நூற்பா; அசைகளைக் கணக்கிடும் போது ஒற்றெழுத்துக்களை
நீக்கியே கணக்கிடல் வேண்டும் என்ற முறைப்படி நேர் அசையில் ஒரே எழுத்தும்
நிரை அசையில் இரண்டு எழுத்தும் உண்மை போதரும்.

ஒத்த நூற்பாக்கள்

	`நேரசை ஒன்றே நிரைஅசை இரண்டுஅலகு ஆகும் என்ப அறிந்திசி னோரே.' நேர்ஓர் அலகு நிரைஇரண்டு அலகு நேர்பு மூன்றுஅலகு நிரைபுநான்கு அலகுஎன்று ஓதினார் புலவர் உணரு மாறே.'
	- அவிநயம்

	`தனிஅசை என்றா இணை அசை என்றா இரண்டென மொழிமனார் இயல்பு உணர்ந்தோரே.'
	- காக்கை.

	`நேரசை என்றா நிரைஅசை என்றா ஆயிரண்டு ஆகி அடங்குமன் அசையே.
	- யா. வி. 5

	`நேர்நேர் நிரைநேராய் நேர்பு நிரைபடங்கும் சீர்மேல் அசைபலவாய்ச் சேருங்கால் - ஈரியல்பில் குற்றிபோல் குற்றிகரம் கொண்டியற்ற நேர்நிரையாய் முற்றி முடிந்து விடும்.'

	`நேர்நிரை நேர்பு நிரைபென நான்கும் மேவ ஓடிய விடுவா ரும்முளர் நேர்நிரை நேர்பு நிரைபென நான்கும் ஆட்டுருப் போல ஒருவிரல் நேரே.'