கட்டளைக்கலித்துறை நானூறாகத் திணை முதலாகத் துறை ஈறாகக்
கூறப்பட்ட பன்னிரண்டு அகப்பாட்டு உறுப்பும் வழுவின்றித் தோன்றப்
பாடுவது அகப்பொருட் கோவை என்றவாறு.

(56)

விளக்கம்

ஒத்த நூற்பாக்கள்

‘கோவை என்பது கூறுங் காலை

மேவிய களவு கற்பெனும் கிளவி

ஐந்திணை திரியா அகப்பொருள் தழீஇ

முந்திய கலித்துறை நானூறு என்ப.’

- பன். பாட். 341

‘களவினும் கற்பினும் கிளவி வகையால்

திணைநிலை திரியாச் செம்மைத் தாகி

நாட்டிய கலித்துறை நானூறு உரைப்பது

கோட்டம் இல்லாக் கோவை ஆகும்.’

- பன். பாட். 342

‘ஐந்திணை தழுவிய அகநிலைக் கோவை

தந்தநா னூறும் தாம்கலித் துறையே.’

- பன். பாட். 343