‘ஆசிரியம் வஞ்சி கலிவெண் பாஎன்று

     இம்முறை யால்வைத்து இயம்புங் காலை

     மீனம் கடகம் தேளே என்றும்

     சிங்கம் தனுவே மேடம் என்றும்

     இடபம் கன்னி மகரம் என்றும்

     துலாத்தொடு குடமே மிதுனம் என்றும்

     ஒட்டிய ராசிமரபு ஓர்தல் நெறியே.’                               

- பி. ம. 48

     ‘மதிகுரு வெள்ளை; செங்கதிர் செவ்வாய்

     இன்னகவல்; புகர்வஞ்சி; புந்திசனி கலியே;

     கோளமை நாற்பாவும் கொள்ளும் மரபே.’                         

- பி. ம. 49

     ‘வெண்பா முதல்வஞ் சிப்பா இறுதி

     நான்குபா வினுக்கும் நாளும் கிரகமும்

     நிலனும் குலனும் நிறமும் இராசியும்

     ஆகிய இருமூன்று இலக்கணப் பகுதி

     குறித்தார் முற்றுணர் குரவர் என்ப.’                       

- மு. வீ. யா. ஒ. 50

     ‘அவற்றுள்,

     வெண்பா வெண்ணிறம்; விருச்சிகம் கார்த்திகை

     முதலிய எழுநாள்; முற்படு விருச்சிகம்

     மீனம் இராசி; விப்பிர குலம்; மதி

     குருவே கிரகம்; குழுமிய முல்லை

     இருநிலம்; மற்றதன் இயல்பென மொழிப.’                          

 ’’     51

     ‘அகவல் செந்நிறம்; அரையர் குலம்; மகம்

     பூரம் முதலிய எழுநாள்; மேடம்

     சிங்க இராசி; செங்கதிர் செவ்வாய்

     கிரகம்; குறிஞ்சி நிலனா கும்மே.’                                 

 ’’     52

     ‘கலிபொன் நிறம்; குலம் காமரு வணிகம்,

     அகணி நெடுநிலம்; அனுடம் முதலிய

     ஆறுநாள்; மிதுனம் கும்பம் துலாமும்

     இராசி; புதன்சனி கிரகம் என்று இயம்புவ.’ 
      

’’     53