(இ-ள்) வினாதலும் செப்பலும் மேவலும் என மூவகையினை
உடைத்தாம், தலைவன் மீண்டுவந்து தன்மனையின் கண்ணே வரைதல்
என்றவாறு.

170

விளக்கம்
 

1   நற்றாய் செவிலியை வினாதல்.

2   செவிலி நற்றாய்க்கு விடை கூறுதல்.

3   தலைவனும் தலைவியும் தலைவியின் இல்லத்தை அடைதல்.

ஒத்த நூற்பா

       முழுதும்--                                   ந. அ. 193

170

தன்மனை வரைதலின் விரி

543     பணிமொழி நற்றாய் மணன் அயர் வேட்கையின்
        செவிலியை வினாதலும்¹ செவிலிக்கு இகுளை
        வரைந்தமை உணர்த்தலும்² வரைந்தமை செவிலி
        நற்றாய்க்கு உணர்த்தலும்³ உற்றுஆங்கு இருவரும்
        தலைவிஇல் வந்துழித் தலைவன் பாங்கிக்கு
        யான்வரைந் தமைநுமர்க்கு இயம்புசென்று என்றலும்⁴
        தான்அது முன்னே சாற்றியது உரைத்தலும்⁵
        என்னும்இவ் வைந்தும் மின்நிலை வேலோன்
        மன்னிய தன்மனை வரைதலின் விரியே.

    இது தன்மனைவரைதலின் விரி இத்துணைத்து என்கின்றது.

     (இ-ள்) பணிமொழி நற்றாய் மணன் அயர் வேட்கையின் செவிலியை
வினாதல் முதலாகப் பாங்கி தான் அது முன்னே சாற்றியது உரைத்தல்
ஈறாகச் சொல்லப்பட்ட ஐந்தும் மீண்ட தலைமகன் தலைமகளைத் தன்
மனையின்கண்ணே வரைந்து கோடலின் விரியாம் என்றவாறு.