இல்வாழ்க்கையின் விரி

552    தலைவன் தலைவிமுன் பாங்கியைப் புகழ்தலும்¹
       தலைவனைப் பாங்கி வாழ்த்தலும்² தலைவியை
       வரையும்நாள் அளவும் வருந்தாது இருந்தமை
       உரையாய் என்றலும்³ பெருமகள் உரைத்தலும்⁴
       தலைவனைப் பாங்கி வரையும்நாள் அளவும்
       நிலைபெற ஆற்றிய நிலைமை வினாதலும்⁵
       மன்றல் மனைவரு செவிலிக்கு இகுளை
       அன்புற உணர்த்தலும்⁶ வாழ்க்கைநன்று அறைதலும்⁷
       மணமனைச் சென்று வந்த செவிலி
       பொற்றொடி கற்பியல் நற்றாய்க்கு உணர்த்தலும்⁸
       நன்மனை வாழ்க்கைத் தன்மை உணர்த்தலும்⁹
       அன்னவர் காதல் அறிவித் தலும்¹⁰ என
       இன்னவை பத்தும்இல் வாழ்க்கை விரியே.

     இஃது இல்வாழ்க்கை விரி இத்துணைத்து என்கின்றது.

     (இ.ள்) தலைவன் தலைவிமுன் பாங்கியைப் புகழ்தல் முதலாக
அன்னவர் காதல் அறிவித்தல் ஈறாகச் சொல்லப்பட்ட பத்தும் இல்வாழ்க்கை
விரியாம் என்றவாறு.
 

விளக்கம்
 

1      ‘உன் உதவியால் அன்றோ நான் இவளை அடைந்தேன்!’ என்று
       பாங்கியைத் தலைவியின்முன் தலைவன் புகழ்தல்.

2      தலைவியை மணந்து நலம் செய்தமை குறித்துத் தலைவனைப்   

       பாங்கி வாழ்த்துதல்.

3      தன் திருமணநாள் வரும்வரை அவள் வருந்தாது இருந்ததன்
       காரணத்தைத் தோழி வினாவுதல்.

4      ‘தலைவனது கருணை எனக்கு இன்பத்தையே அளித்து  

       வந்தமையால் வருந்தாது இருந்தேன்’ என்று தலைவி பாங்கிக்கு  

       கூறுதல்.