புணர்ச்சியின் மகிழ்தல்:

உள்ளத்து உவகை ஒருதலைப் பட்ட இருதலைப்பைம்
புள்ஒத்து இனிய புதுமலர்க் காவில் புணர்ந்தஇன்ப
வெள்ளக் கடலிடை வீழ்ந்துஉடன் நீந்துவர் மெய்மறந்து
வள்ளக் கமல வளவயல் ஊரனும் மாதருமே.

அம்பி. 460

எனவரும்.

      [வள்ளம்போலக் காணப்படும் தாமரை பூக்கும் வளம் சான்ற வயல்

ஊரனும் மாதரும், மனத்திலே மகிழ்ச்சி ஒரே நிலையதாக அமைந்த,
இருதலையையும் ஓர் உடலையும்உடைய பறவையை நிகர்ப்ப, இனிய
புதுமலர்க்காவில் புணர்ச்சியாகிய இன்பவெள்ளம் நிறைந்த கடலிடை வீழ்ந்து
மெய்மறந்து அவ்வெள்ளத்தை உடன் நீந்துவர்.]

182

உணர்த்த உணரா ஊடலின் விரி

555    வெள்ளணி அணிந்து விடுப்புழிப் புள்ளணி
       மாலைவேல் அண்ணல் வாயில் வேண்டலும்¹
       தலைவிநெய் ஆடியது இகுளை சாற்றலும்²
       தலைவன் தன்மனத்து உவகை கூர்தலும்³
       தலைவிக்கு அவன்வரல் பாங்கி சாற்றலும்⁴
       தலைவி உணர்ந்து தலைவனொடு புலத்தலும்⁵
       பாணன் முதலாப் பாங்கன் ஈறாப்
       பேணிய வாயில்கள் பெரியோன் விடுத்துழி
       மறுத்தலும்⁶ விருந்தொடு வந்துழிப் பொறுத்தல்கண்டு
       இறையோன் மகிழ்தலும்⁷ இறைமகள் விருந்துகண்டு
       ஒளித்த ஊடல் வெளிப்பட நோக்கிச்
       சீறேல்என்று அவள் சீறடி தொழலும்⁸ இஃது
       எங்கையர் காணின் நன்றுஅன்று என்றலும்⁹
       அங்குஅவர் யாரையும் அறியேன் என்றலும்¹⁰
       காமக் கிழத்தியைக் கண்டமை பகர்தலும்¹¹
       தாமக் குழலியைப் பாங்கி தணித்தலும்¹²