சிறப்பில்லா மெய்ப்பாடுகள்

579    ஆங்கவை ஒருபால் ஆக ஒருபால்
       உடைமை¹ இன்புறல்² நடுவுநிலை³அருளல்⁴
       தன்மை⁵ அடக்கம்⁶ வரைதல்⁷ அன்பு⁸ எனாக்
       கைம்மிகல்⁹ நலிதல்¹⁰ சூழ்ச்சி¹¹ வாழ்த்தல்¹²
       நாணுதல்¹³ துஞ்சல்¹⁴ அரற்றுக்¹⁵ கனவு¹⁶ எனாஅ
       முனிதல்¹⁷ நினைதல்¹⁸ வெரூஉதல்¹⁹ மடிமை²⁰
       கருதல்²¹ ஆராய்ச்சி²² விரைவு²³ உயிர்ப்பு²⁴ எனாஅக்
       கையாறு²⁵ இடுக்கண்²⁶ பொச்சாப்புப்²⁷ பொறாமை²⁸
       வியர்த்தல்²⁹ ஐயம்³⁰ மிகை³¹ நடுக்கு³² எனாஅ
       இவையும் உளவே அவையலங் கடையே.

     இதுமேல் கூறிவந்த எண்ணான்கும் அன்றி இவை முப்பத்திரண்டும்
அவைபோல மெய்ப்பாடு எனப்படும் என்றவாறு.

     (இ-ள்) நகைமுதலாக விளையாட்டு ஈறாகச் சொல்லப்பட்ட
முப்பத்திரண்டும் ஒருகூறாக, இனிச்சொல்கின்ற ஒரு கூறு உடைமை முதலாக

நடுக்கு ஈறாகக்கிடந்த அம்முப்பத்திரண்டும் ஈண்டு மெய்ப்பாடு எனப்படும்;
ஈண்டு எண்ணப்பட்டவையே ஆண்டு அடங்குவனவும் உளஆகலின்

அப்பொருண்மைய அல்லாத இடத்து என்றவாறு.

1 உடைமை:

     செல்வம். அது நுகர்ச்சியாயின் உவகைப் பொருளாம், இஃது
அன்னதன்றி, நுகராதே அச்செல்வம் தன்னை நினைந்து இ்ன்புறுதற்கு
ஏதுவாகிய பற்றுள்ளம்; அஃதாவது நதிமேல் நின்ற மரம் போலச் செல்வம்

உடைமையான் வரும் மெய்வேறுபாடு.

2 இன்புறல்:

      அவ்வுடைமையை நினையுந்தோறும் இடையிட்டுப் பிறக்கும்
மனமகிழ்ச்சி.