‘இம்மை உலகத்து அன்றியும் கேள் அறிந்தன’ என்பது இருவர்
அன்பும் எழுமையும் தொடர்ந்த அன்பு என்று கூறியவாறு.
 

ஓத்த நூற்பா
 

     ‘அல்குல் தைவரல் அணிந்தவை திருத்தல்
      இல்வலி உறுத்தல் இருகையும் எடுத்தலொடு
      சொல்லிய நான்கே மூன்றுஎன மொழிப.’

தொல். பொ. 263]

13  பாராட்டு எடுத்தல்:

   அங்ஙனம் பன்னிருவகை மெய்ப்பாடும் நிகழ்ந்தவழிப்புணர்ச்சி நிகழும்
   அன்றே. அதன்பின்னர்த் தலைமகனை இயற்பட நினையும் குறிப்பு.  
   பாராட்டு என்னாது ‘எடுத்தல்’ என்றதனால், இதனை உள்ளம் எடுத்தல் 

   மேற்கொள்க.

14  மடம்தப உரைத்தல்:

    விளையாடும் பருவத்து நிகழ்ந்த அறிமடம் நீங்கிக்  
    காமப்பொருட்கண்ணே சிறிது அறிவு தோன்றப் பாங்கிக்குச் சில

    கூற்றுமொழி கூறல்; மடந்தப உரைத்தற்கு ஏதுவாகிய கருத்து ஈண்டு

    மெய்ப்பாடு எனப்படும்.

15  ஈரம் இல்கூற்றம் ஏற்று அலர் நாணல்:

   அங்ஙனம் அறிமடம் கெடச் சொல் பிறந்தவழி இன்றளவும் தமரால்
   கூறப்படாத கடுஞ்சொல் உளவாம் அன்றே ! அவற்றை முனியாது
   ஏற்றுக்கொண்டு,‘புறத்தார்க்கு இது புலனாங்கொல்?’ என்று நாணுதல்.

16 கொடுப்பவை கோடல்:

   தலைமகனால் கொடுக்கப்பட்ட தழையும் கோதையும் தாரும் கண்ணியும்
   தோள்மாலையும் முதலாயின கொண்டு கையுறை பாராட்டுதல்.

   இவை நான்காம் அவத்தைக்கண் நிகழ்வன.