‘இனிது .... ..... முகனே’ --

    கற்புக்காலத்துத் தலைவி தலைவனோடு இல்லறம் நடத்தியகாலை
அவள் சமைத்த உணவை அவள் கணவன் ‘இனிது’ என்று கூறிச் சுவைத்து
உண்டமையின், தனக்கு ஏற்பட்ட மகிழ்ச்சிச் சிரிப்பை வெளிக்காட்டாது

முகவேறுபாட்டால் குறிப்பாக அவள் காட்டியமை நகுநயம் மறைத்தற்கு
எடுத்துக்காட்டாகும்.]

இன்னும் அதனானே,

     இன்பத்தை வெறுத்தல்¹ துன்பத்துப் புலம்பல்²
     எதிர்பெய்து பரிதல்³ ஏதம் ஆய்தல்⁴
     பசிஅட நிற்றல்⁵ பசலை பாய்தல்⁶
     உண்டியின் குறைதல்⁷ உடம்புநனி சுருங்கல்⁸
     கண்துயில் மறுத்தல்⁹ கனவொடு மயங்கல்¹⁰
     பொய்யாக் கோடல்¹¹ மெய்யே என்றல்¹²
     ஐயம் செய்தல்¹³ அவன்தமர் உவத்தல்¹⁴
     அறன்அளித்து உரைத்தல்¹⁵ ஆங்குநெஞ்சு அழிதல்¹⁶
     எம்மெய் ஆயினும் ஒப்புமை கோடல்¹⁷
     ஒப்புவழி உவத்தல்¹⁸ உறுபெயர் கேட்டல்¹⁹
     நலத்தக நாடின் கலக்கமும்²⁰ அதுவே.

எனவும்,

1  இன்பத்தை வெறுத்தல் :

   யாழும் குழலும் சாந்தும் முதலாக இன்பத்திற்கு ஏதுவாகிய பொருள்
   கண்டவழி அவற்றின்மேல் வெறுப்புத் தோன்றுதல். அது,

     ‘கல்லாக் கோவலர் ஊதும்
      வல்வாய்ச் சிறுகுழல் வருத்தாக் காலே.’

அகநா. 74

எனவரும்.