என வரும்.

     வேந்தே! வானுலகைக் காத்து உறங்காதிருக்கும் இந்திரனைப் போல நீயும்
 மண்ணுலகைக் காத்து உறக்கமின்றி உள்ளாய். தேவர்உலகத்தவரிடம் கொண்ட
 கருணையால் பகைவராகிய அவுணர் குலத்தைத் தேவேந்திரன் அழிப்பது போல, உன்
 குடிமக்களிடத்துக் கொண்ட கருணையால் நீயும் அவர் பகைவரை அழிக்கின்றாய் -
 என்ற இப்பாடலில், ஒப்புமை உடைய தேவேந்திரன் அரசன் என்ற இருவருடைய
 செயல்களும் ஒப்பிடப்பட்டமை காண்க.