என வரும்.

     [ஒரு பொருளின் உறுப்புக்கள் பலவற்றையும் உருவகம் செய்வது அநேகாங்க
 உருவகம். இதன்கண் உறுப்பியும் உருவகம் செய்யப்படும்.

     "கையாகிய தளிரினால் கொங்கையாகிய முகிழைத் தாங்கிக் கண்ணாகிய
 சேல்மீனால் இளையர் மனம் கலங்க, மேலே மேகத்தைத் தாங்கிய மின்னல் ஒன்று
 என் உள்ளத்தில் உள்ளது" - எனத் தலைவன் பாங்கற்கு உற்றது உரைத்த
 இப்பாடலில், கைத்தளிர், கொங்கை முகிழ், கண் என்னும் சேல், குழலாகிய மேகம்
 என்ற உறுப்புக்களும் தலைவியாகிய மின் என்ற உறுப்பியும் உருவகம் செய்யப்பட,
 மைந்தர் மனம், தலைவன் மனம் என்பன உருவகம் செய்யப்படாமல் விடப்பட்டதை
 நோக்குக. அவயவ உருவகததுள் உறுப்புக்களே உருவகம் செய்யப்படும்; இதன்கண்
 உறுப்பியும் உருவகம் செய்யப்படும் என வேறுபாடு காண்க.