என வரும்.

     [தேன் துளிக்கும் மாலையினையும் வீரக் கழலையும் அணிந்த தலைவனே!
 நின் கருத்து முற்றுதற்குக் காரணமாகிய பொருள் கருதத் தலைவியைப் பிரிந்து
 செல்லக் கருதுவையேல், எம் உறவினருடைய அழுகைக் குரல் வெளியே கேட்பதன்
 முன், உன் பொருள்வயின் பிரிவிற்கு இடையூறு ஏற்படாத வகையில் விரையப்
 புறப்படுவாயாக -

     என்ற தோழி கூற்றில், "விரைந்து பிரிந்து செல்வாயாக" என்று தலைவன்
 போக்கிற்குத் துணை செய்வாளைப்போன்று, பிரிதல் துன்பம் தாங்காது தலைவி
 விரைவில் இறந்துவிடுவாளாதலின் உறவினருடைய அழுகை ஒலி கேட்கும் என்ற
 செய்தியையும் குறிப்பிட்டுச் செலவை விலக்கியவாறு காண்க.]