பிரிந்த வண்டு, அக்குவளைப் பூவினை நெருங்குகிறது - என்ற இப்பாடலில்,
 இன்பம் நுகர்தற்கேற்ற பருவ வனப்பும் இன்பச் செவ்வியும் உடைய தலைவியைப்
 பிரிந்த தலைவன், பலரும் தோய்ந்து வெறுத்த நீத்த பரத்தையின் புல்லிய இன்பம்
 கருதி அவளை அணுகுகிறான் - என்ற கருத்து  பெறப்படுத்தப்பட்டவாறு.

     இப்பாடலில், சுரும்பு மேய்ந்த காவியின் குறைபடுதேன், மதுச்சேர்ந்து
 செல்வியுடைய வண்டாமரை, பிரிந்த வண்டு - என்ற அடையொடு சேர்ந்த
 வெளிப்படைப் பொருள்களும், குறிப்பாகக் கொள்ளப்பட வைத்த பலர் தோய்ந்த
 பரத்தையின் குறையுற்ற இன்பம், இன்பச செவ்வியும் வனப்பும் உடைய தலைவி,
 தலைவியைப் பிரிந்த தலைவன் - என்ற அடையொடு சேர்ந்த குறிப்புப்
 பொருள்களும் வெவ்வேறாக அமைந்தமை காண்க.]