என வரும். பிறவும் வந்துழிக்கண் கொள்க.                               (54) 

     [மன்மதனுக்கு யானை, தேர், குதிரை, காலாள் என்ற நால் வகைப் படைகளுள்
 ஒன்றும் இல்லை; தனக்கும் வடிவம் இன்று; அவன் எடுத்த வில்லோ கரும்புவில்;
 அம்புகளோ மலர் அம்புகள்; இந்நிலையில் அவள் மூன்று உலகங்களையும் வென்று
 தன் வெற்றிச் சுவடு, அவ்வுலகில் என்றும் இருக்குமாறு செய்துவிட்டான் - என்ற
 இப்பாடலில்,

     போருக்கு வேண்டிய அங்கங்களாகிய வலியஉடல், நால்வகைப் படைகள்,
 உறுதியான வில், கூர்மையான அம்புகள் முதலியன இல்லாமலேயே மன்மதன்
 மூன்று உலகங்களையும் வென்ற செய்தி கூறப்படுதல் உறுப்புக்
 குறைவிசேடமாதல் அறிக.]                                             54