அணியியலுக்குப்பின் செய்யுளியல் அமைத்துள்ள இவ்வாசிரியர்
 தொடையிலக்கணம் செய்யுளியலில் கூறுவார்; அதனை முன்னரே அணியியலிலுள்ள
 மடக்கிற்கும் கொள்ளுமாறு "ஒப்பின் முடித்தல்" என்ற உத்திவகையாற் கூறுவது
 புதுமையாகத் தோன்றினும், பின்னர் எச்சவியலில் கூறப்படும் அன்மொழித்
 தொகைக்கண் சொற்பெய்து விரித்தல் போல உருபும் பொருளும் உடன்தொக்க
 தொகைக்கண் சொற்பெய்து விரிக்க என்று வேற்றுமையியலில் தொல்காப்பியனார்
 குறிப்பிடுவதனை ஒப்பது இது என்று கொள்க. அல்லதூஉம், சொல்லணிப்பகுதி இவர்
 மகனாரால் யாக்கப்பட்டது என்பதும் ஒன்று.