குளிர்ந்த வெண்கொற்றக் குடையையும், தேன் பொருந்திய அத்திப்பூ மாலையையும்
உடைய சோழ குலத்துத் தீபம் போன்றவனாய்ப் பொழில் சூழ்ந்த கங்காபுரத்தை ஆளும்
சோழன் கைகள் கொடையால் கார்மேகத்தைத் தோற்கடித்து, கற்பகத்தோடு போரிட்டு,
உலகம் மகிழ்தற்குக் காரணமாகிய அருளை வளர்க்கும்.

    கங்காபுரியிலுள்ள மாளிகைகள், மேக மண்டலத்தையும் கடந்து ஓங்கிக் கற்பக
மரங்களை உயர்ந்த தம் தலையில் சூடி, உலகிற்குத் தம் பெருவடிவால் குளிர்ந்த நிழலை
வழங்கும்.