சோலையினுள் நலம் சிறக்க, மயில்கள் களிக்க, கார்மேகம் திசைகளை மூடி உலகை
 இருளச்செய்ய, வண்டுகள் செறியும் மயிர் முடியை ஒப்பனை செய்துகொண்டு சிறந்த
 தலைவி தங்கியுள்ளாள் - என்று தலைவன் பாங்கற்கு இயல் இடம் கூறியவாறு.

     சுழிகுளம் என்பது ஒரு செய்யுளை எவ்வெட்டெழுத்தாக நாலடியும் நான்குவரி
 எழுதி, மேல் நின்று கீழ் இழிந்தும் கீழ் நின்று மேல் ஏறியும் முடிய உச்சரித்தாலும்,
 அவ்வரி நான்குமேயாய் அச்செய்யுள் தானே முற்றுப் பெறுவது.