என வரும். இதனூள், ஒருநில வேந்தனை எழு கடலும் தூர்த்தானாகவும்
 ஆகாயத்தே தன் யானையை ஓட்டிப் பகைவரை வென்றானாகவும் உலக ஒழுக்கோடு
 மாறுபடக் கூறினமையான், உலக மலைவு ஆயிற்று.                         (86)

     [அலையும் கடல் ஏழையும் ஆழம் நீங்கச்செய்து, வான வெளியில், மலையை
 ஒத்த, மத மயக்கம் பொருந்திய யாகைளைச் செலுத்திப், பகைவரைச் சாம்பராக்கி
 என்றும் கெடாத சிறப்பினை உடைய இந்நிலவுலகத்து மன்னன் உலகையே தன்
 ஒற்றைக் குடைக்கீழ்க் கொணர்ந்தான் - என்ற இப்பாடல், உலகியல் நடைபேற்றுக்கு
 மாறாகக் கடலைத்தூர்த்தல், வானத்தில் யானையைச் செலுத்துதல் முதலிய செயல்களை
 நிலஉலக அரசன் மேல் ஏற்றிக் கூறுதலின் உலக மலைவாயிற்று.]              86