என அகத்திணையியலுள் நான்கு எனக் கூறி, ஈண்டு மூன்று என்றல் மலைவாம்
 பிறஎனின், மெய்யும் உருவும் பண்பினுள் அடங்குதலின், அடக்கித் தொகுத்துக்
 கூறுதலான் ஆகாது என்க.

     [மெய் என்பது வடிவு; உரு என்பது நிறம். மெய் கட்புலனாதலொடு
 ஊற்றுணர்வுக்கும் உரியது. உரு கட்புலன் ஆதல் ஒன்றுமே உடையது. தலைவன்
 பகற்குறிக்கண் தலைவியின் உருவினைக் காண்டலும் வடிவினைத் தைவருதலும் கூடும்.
 இரவுக் குறிக்கண் உருவினைக் காண்டல் இயலாது; வடிவினையே தொட்டுப்பயிலுதல்
 கூடும். இவ்வேறுபாடு நோக்கி, வடிவும் நிறமும் தொல்காப்பியத்தில் வேறாகக்
 கூறப்பட்டன. ஆனால் பின்னூலார் இவ்விரண்டினையும் பண்பு என்ற ஒன்றாக
 அடக்கிக் கூறுவாராயினர்.]