640. உற்றபண்பு ஆதியின் உவமம் செய்வுழி
     மற்றுஅவை வெளிப்பட வகுத்தவிரி உவமமும்¹
     அன்னவை போலாது ஆங்குஅவை கரப்பத்
     தொன்நெறிப் புலவர் தொகுத்ததொகை உவமமும்²
     பொருள்உவமை ஆகியும் உவமை பொரு ளாகியும்
     ஒருதொடர் இடைவரூஉம் இதர விதரமும்³
     அதனான் அன்றி அதனைஇஃது ஒப்பது
     இதனானும் ஒக்கும் எனும்சமுச் சயமும்⁴
     மேதகு உவமையை விலக்கிஅப் பொருளையே
     ஓதி முடிக்கும் உண்மை உவமையும்⁵
     ஓதிய பொருள்தனக்கு ஒப்பதுஓர் பொருள்பின்
     நீதியின் நிறீஇய மறுபொருள் உவமையும்⁶
     நினைந்துஉவ மிக்கும் நிலையில்மற்று அதனை
     புனைந்து உவமிக்கும் புகழ்உவமை யானும்⁷
     சிந்தித்து ஒருவன் சேர்ப்பதுஓர் உவமையை
     நிந்தித்து உரைக்கும் நிந்தை உவமையும்⁸
     அறிவுஉறின் அதனுக்கு இதுவே ஒப்புஎன
     நெறிஉறப் புணர்க்கும் நியம உவமையும்⁹
     இதுவே அன்றி இதனுக்கு இதுபோன்று
     அதுவும் ஆம்எனும் அநியம உவமையும்¹⁰
     எய்திய உவமையும் இயைந்திடு பொருளும்
     ஐயுற விளம்பும் ஐயநிலை உவமையும்¹¹
     இவ்வியல் அதனால் இதுஅன்று இதுஎனச்
     செவ்விதின் தெளிந்த தேற்ற உவமையும்¹²
     ஆற்ற உவமை ஆற்றினும் பொருளின்
     ஏற்றம்இன்று என்னும் இன்சொல் உவமையும்¹³
     ஊறுஇல் உவமேயம் உவமையாய் உலகியல்
     வேறுபட மாட்டிய விபரீத உவமையும்¹⁴
     அரும்பொருள் அதனை அதுபோலும் என்ன
     விரும்பும்என் உளம்எனும் வேட்கை உவமையும்¹⁵
     ஒருபொருள் அதனுக்கு ஒப்பதுஒன்று அன்றிப்
     பலபொருள் காட்டும் பலபொருள் உவமையும்¹⁶
     கூறுபடும் உவமையின் கொள்கைபிறிது ஆக
     வேறுபடுத்து இசைக்கும் விகார உவமையும்¹⁷
     ஒருபொருள் மீதுஎழு வேட்கையான் மயக்கம்
     முறுகுதல் காட்டும் மோக உவமையும்¹⁸
     அவனியில் இல்லா அன்னதுஓர் பொருளை
     உவமைசெய்து உரைக்கும் அபூத உவமையும்¹⁹
     சொல்லிய உவமம் தொறும்தொறும் போலி
     புல்லப் புணர்க்கும் பலவயின் போலியும்²⁰
     ஒருதொடர் அதன்கண் உவமைதொறும் இன்றி
     ஒருவயின் புணர்க்கும் அருவயின் போலியும்²⁰
     ஒருதொடர் அதன்கண் உவமைதொறும் இன்றி
     ஒருவயின் புணர்க்கும் ஒருவயின் போலியும்²¹
     கூடாத அதனைக் கூடுவது ஆக்கிக்
     கோடாது உவமைசெய் கூடா உவமையும்²²
     ஒருதலை யாக உவமையை மறுத்துப்
     பொருளையே உவமைசெய் பொதுநீங்குவமையும்²³
     ஒருபொருட்கு உவமை ஒருங்குபல வரின்அவை
     வருதொடர் பாய்இறூஉம் மாலை உவமையோடு²⁴
     அற்புதம்²⁵ சிலேடை²⁶ அதிசயம்²⁷ விரோதம்²⁸
     ஒப்புமைக் கூட்டம்²⁹ தற்குறிப்பு ஏற்றம்³⁰
     விலக்கே³¹ ஏது³² என விளம்பிய எட்டும்
     உளப்படத் தொகைஇ உரைத்தஎண் ணான்கும்
     விளக்கிய உவமையின் விரிஎனப் படுமே.