644. மாட்டேற் றுரைதொகூஉம் தொகைஉரு வகமும்¹
      மீட்டுஅது விரித்த விரிஉரு வகமும்²
      சொற்றது தொகுத்தும் தொகாதும் ஒருதொடரின்
      உற்றுவரு தொகைவிரி உருவகத் தானும்³
      பலபொருள் உருவகப் படுத்தின்அப் பலவும்
      இயைவன புணர்க்கும் இயைபுஉரு வகமும்⁴
      வேட்டன உருவகம் வேறுவேறு இயற்றி
      ஈட்டுதல் புரிந்த இயைபுஇல்உரு வகமும்⁵
      ஊக்குபொரு ளுறுப்பெலாம் உருவகம் செயின்சில
      நீக்கின செயும்விய னிலைஉரு வகமும்⁶
      ஓர்ந்துஅடை உருபில் துற்றதை அவற்றால்
      தேர்ந்துஉரு பிக்கும் சிறப்புஉரு வகமும்⁷
      உருவகம் செய்ததற்கு உறாமரபு இவைஎன
      விரியக் காட்டும் விரூபகத் தானும்⁸
      பாங்கினது உருவகப் படுத்தியது பாங்குஇலாத்
      தீங்குதரல் பிறிதின்எனச் செயும்சமா தானமும்⁹
      உருவகம் செய்ததைப் பெயர்த்தும்வேறு ஒன்றா
      உருவகம் செயும்உரு வகஉரு வகமும்¹⁰
      ஒட்டிய உறுப்பின்ஒன்று உருவகம் ஆகக்
      கட்டுரை செயும்ஏ காங்கஉரு வகமும்¹¹
      எண்ணிய அவயவம் எவையும்உரு வகமாக்
      கண்ணுதல் செயும்அநே காங்கவுரு வகமும்¹²
      உற்ற உறுப்புஉறுப் புடையதுஎவ் வகையினும்
      முற்றுஉரு வகம்செயும் முற்றுஉரு வகமும்¹³
      ஊக்கிய உறுப்பே உருவகம் ஆக
      ஆக்குதல் செயும்அவ யவவுரு வகமும்¹⁴
      ஊற்றம்ஆர் அங்கியே உருவகம் ஆக
      ஆற்றல்சால் அவயவி உருவகம் அவற்றோடு¹⁵
      உவமை¹⁶ ஏது¹⁷ வேற்றுமை¹⁸ விலக்கே¹⁹
      அவநுதி²⁰ சிலேடை²¹ என்றுஅவையு முளப்பட
      உளம்புகு நெறியான் உரைத்தமூ வேழும்
      விளம்பிய உருவக விரிஎனப் படுமே.