வணிகர் வருணம்

776. லவறன என்னும் நான்கு புள்ளியும்

    இவர்தரு வணிகர்க்கு எய்தும் என்ப.

இது வணிகர் வருணம் கூறுகின்றது.

     இ - ள்: ல வ ற ன என்னும் நான்கு மெய்யும் பொருட்கண் விரும்பும்
வணிகர்க்கு உரிய எழுத்துக்கள் என்று கூறுவர் ஆசிரியர்
என்றவாறு.                        

 16

ஒத்த நூற்பாக்கள்

     ‘அணிமிகு சிறப்பின் வணிகர் சாதி

     லகரமும் வகரமும் றகர னகரமும்.’                           

- பன். பாட். 10

     ‘பண்பார் வணிகர்க்காம் பாங்கில் லவறனக்கள்.’

 - வெண். பாட். 11

     ‘நிதிக்காலையன் (குபேரன்) அந்தகன் கண்டன ஆகும்

                                  வணிகர்க்கு.’                     

 - நவ. 12

     ‘ஏதில் லவறனக்கள் வணிகர்க்காம்.’                          

 - சித. பாட். 21

     ‘லவறன வணிகர்க்காம்.’                                

- மு. வீ. யா. ஒ. 72

                                                                        16

வேளாளர் வருணம்

    777. ழளஎனும் இரண்டும் வளமையர்க் காகும்.

இது நான்காம் வருணத்திற்கு உரிய எழுத்துக்கள் இவை என்கின்றது.

    இ - ள்: ழ ள என்னும் இரண்டு எழுத்தும் சூத்திர வருணத்திற்கு உரிய

எழுத்துக்களாம் என்றவாறு.                                                 17