‘வெண்பா கலித்துறை அகவற் பாமூன்று

     அத்தா தித்து முப்பதின் மேல்வர

     ஆசிரியம் பத்தும் அந்தா தித்து

     நவில்வது ஆகும் நான்மணி மாலையே.’        

 - பி. ம. 20

     நிகரில் வெண்பா கலித்துறை விருத்தம்அகவல்

          நேரும் அந்தாதித்தொடை

     நிலைபெறவே எண்ணைந்து செய்யுளாய்ச் சீருற

          நிகழ்த்தல் நான்மணி மாலையாம்.’        

 - பி. தீ. 11

    ‘அந்தா தித்து வெண்பாக் கலித்துறை

     விருத்தமும் அகவலும் விரவி நாற்பது

     நவில்வது நான்மணி மாலை ஆகும்.’       

- மு. வீ. யா. ஒ. 91

                                                       61

                       இருபா இருபஃது

822. ஒருபது வெண்பா ஒருபஃது அகவல்

    இருபது வரின்இரு பாஇரு பஃதே.

இஃது இருபா இருபஃது ஆமாறு கூறுகின்றது.

     இ - ள்: பத்து வெண்பாவும் பத்து அகவலும் அந்தாதித் தொடையாக
இருபது இணைந்துவரின் இருபா இருபஃது என்றவாறு.                                                  

(62)

                     ஒத்த நூற்பாக்கள்

     ‘வெள்ளை அகவல் பின்னர் முறைவைத்து

     எள்ளாது இயல்வது இருபா இருபஃது.’    

- பன். பாட். 339

     ‘ஒருபா ஒருபதும் இருபா இருபதும்

     கருதிய வெள்ளையும் அகவலும் காட்டினர்.’    

’’     340

     ‘ஏய்ந்த இருபா இருபதுவெண் பாஅகவல்.’

                                             - வெண். பாட். செ. 17