‘பதினாறு கலைஓர் அடியாக வைத்து

     பலசந்த மாக வணம்கலை வைப்பும்

     வழுவாது அந்தாதித்து முப்பது செய்யுள்

     பாடுவது; எட்டுக் கலையானும் வரப்பெறும்;

     அன்றியும் வெண்பா அகவல் கலித்துறை

     பப்பத் தாக அந்தா தித்துப்

     பாடு வதுமாம் ஒலியலந் தாதி.’         

 - மு. வீ. யா. ஒ. 121

                                                       64

                      இன்னிசை

825. இறைவன் பெயர்ஊ ரினைஇன் னிசையான்

    முறையின் தொண்    ணூறு எழுபான் ஐம்பான்

    அறையின் அப்பெயர் ஆகும் என்ப.

இது பெயர் இன்னிசையும் ஊர் இன்னிசையும் ஆமாறு கூறுகின்றது.

     இ - ள்: பாட்டுடைத்தலைவன் பெயரினையும் ஊரினையும்சார
இன்னிசை வெண்பாவால் தொண்ணூறு எழுபது ஐம்பது பாட்டின் பெயர்
இன்னிசை வெண்பா  என்றும் ஊர் இன்னிசை வெண்பா என்றும்
வழங்கப்படும் என்றவாறு.                

 (65)

ஒத்த நூற்பாக்கள்

    ‘தொண்ணூ றேனும் எழுப தேனும்

     இன்னிசைத் தொகுப்பின் இன்னிசைத் தொகையே.’

                                        - பன். பாட். 288

     ‘எண்ணிய வகையான் இன்னிசை வெண்பாத்

     தொண்ணூறு எழுபது தொடுப்பதுஅத் தொகையே.’

                                        - பன். பாட். 289