கைக்கிளை

827.    ஒருதலைக் காமம் ஓரைந்து விருத்தம்

    கருத உரைத்தல் கைக்கிளை ஆகும்.

இது கைக்கிளை ஆமாறு கூறுகின்றது.

     இ - ள்: ஒருதலைக்காமத்தினை ஐந்து விருத்தத்தால் பெறக்கூறுதல் கைக்கிளைச் செய்யுளாம் என்றவாறு.                                       

(67)

                        ஒத்த நூற்பாக்கள்

         ‘இரங்க வருவது மயங்கிய ஒருதலை

          இயைந்த நெறியது கைக்கிளை மாலை.’    

- பன். பாட். 295

         ‘ஒருதலைக் காமம் உரைப்பவை யைந்தாய்

          வருவிருத்தம் கைக்கிளையாம் மன்.’    

- வெண். பாட். செ. 15

         ‘நண்பால் ஒருதலைக்காமம் நவின்ற விருத்தம் ஐந்தால்

          பெண்பால் வரின்அவை கைக்கிளையாம் என்றுபேசுவரே.’

                                                - நவ. 41

         ‘வருங்காமம் ஒருதலை கைக்கிளைய தாம்.’       

- சிதம். பாட். 36

         'காமம் ஒருதலையது கைக்கிளை மாலை.’        

- பி. ம. 30

         ‘ஐவிருத்தம் வெள்ளைப் பாவினில் கைக்கிளைக்கு

          இறை ஒருதலைக் காமமே.’                

- பி. தீ. 20

         ‘ஐந்து விருத்தத் தாலே ஒருதலைக்

          காமத் தைக்கூ றுவது கைக்கிளை.’

         ‘அன்றியும் வெண்பா ஆறைந் திரண்டு

          பாடுவது அதன்பால் படும்என மொழிப.’

                      - மு. வீ. யா. ஒ. 148, 149; தொ. வி. 283 உரை.

                                                  67