மங்கல வள்ளை

828. ஒன்பது வெண்பா வகுப்பால் உயர்குல

    மங்கையைப் பாடுதல் மங்கல வள்ளை.

இது மங்கலவள்ளை ஆமாறு கூறுகின்றது.

     இ - ள்: உயர்குலத்து உதித்த மடவரலை வெண்பா ஒன்பதனான்
வகுப்புறப் பாடுதல் மங்கல வள்ளையாம் என்றவாறு.

(68)

                          ஒத்த நூற்பாக்கள்

  ‘சந்தமும் வெள்ளையும் தருவன கற்புடை

  மங்கல வெள்ளை வருவன ஒன்பான்.’      

- பன். பாட். 302

  ‘அதுவே,

  வெண்கலி யானும் வருதற்கும் உரித்தே.’      

’’    303

  ‘சந்தமும் வெள்ளையும் தனித்தனி புணர்த்தலும்

  அந்தமில் புலவர் ஆம்என மொழிப.’        

’’    304

  ‘மங்கல வள்ளை வகுப்பொடு வெண்பாவால்

   இங்காம் ஒன்பான்என் றிசை.’             

- வெண். பாட். செ. 32

  ‘மாசில்குல மகளுக்கு வகுப்பு வெண்பா

       வருபொருளொன் பான்ஒன்பா னாகப்பாடின்

  தேசுயர்மங் கலவள்ளை.’                 

 - சிதம். பாட். 36

  ‘மாசில் குலமகளை வகுப்புவெண் பாவினால்

  ஒருபொருள் உரைத்தலாய் ஒன்பது ஒன்பது

  ஆகப் பாடின் மங்கல வள்ளை.’        

 - பி. ம. 27

                        ‘உயர்குலப் பெண்ணினை

  ஒன்பது வகுப்பின் வெண்பா ஒன்பது

  செய்யுள் செய்வது மங்கல வள்ளை.’         

- பி. தீ. 26