ஒத்த நூற்பாக்கள்

     ‘நிறுத்த வெளிவிருத்தம் நீடுறுப்பில் வந்தால்

     குறித்(து) அங்க மாலையாக் கொள்க.’                   

- வெண். பாட். செ. 29

     ‘வடுவிலா வெண்பா விருத்தம்பல அங்கமாலை என்னே.’

  - நவ. 42

     ‘பாதாதிகேசம் கேசாதிபாதம் அந்த

          வகையுரைக்கின் வெளிவிருத்தத்து அங்க மாலை.’

 - சித. பாட். 35

     ‘அங்க மாலையே அங்க வகுப்பெலாம்

     பாதாதி கேசமும் கேசாதி பாதமும்

     கலிவெண்பா ஆதல் வெளிவிருத்த மாதல்

     வலிதெனப் புகழ்ந்து வகுத்த செய்யுளே.’                      

 - தொ. வி. 262

                             ‘அங்க வகையை

     விளம்பிய ஒழுங்கின் வெளிவிருத் தத்தால்

     வழுத்துவது அங்க மாலை ஆமே.’                              

 - பி. ம. 26

‘மேவும் ஆண்மகனுடன் பெண்மகட்கு உரியதாய்

          வெண் பாவினா லாயினும்

     வெளி விருத்தத்தினா லாயினும் வழுவற

          விளம்பு பாதாதி கேசம்

ஆவதாய்க் கேசாதி பாதம்வரை தொடர்புற

          அரற்றுவது அங்க மாலை.’                               

  - பி. தீ. 9

     ‘ஆடூஉ மகடூஉ ஆயிரு பெயர்க்கும்

     மிகஎடுத்து உரைக்கும் மெய்அவ யவத்தை

     வெண்பா ஆயினும் வெளிவிருத் தத்தின்

     ஆயி னுங்கே சாதி பாதம்

     பாதாதி கேச மாகப் பாடுவது

     அங்க மாலையாம் ஆயுங் காலே.’                       

 - மு. வீ. யா. ஒ. 85

                                                                       75