‘ஆசிரிய விருத்தம் கலித்தா ழிசையில்

ஒன்றா ஒன்பான் தாழிசைப் போக்கின்

சுற்றத்து அளவில் சொல்லுவது ஊசல்.’                                 

- பி. ம. 18

‘ஊசல் என்ப ஊசலாய்க் கிளையளவு

ஆசிரிய விருத்த மாகப் பாடலும்

தன்ஒலி வரும்கலித் தாழிசைப் பாடலும்

வண்ணகம் முதற்கண் வரினும் இயல்பே.’          

 - தொ. வி. 276

‘அகவல் விருத்தத் தானா குதல்கலித்

தாழி சையா னாகுதல் சுற்றத்

தோடும் பொலிக ஆடீர் ஊசல்

ஆடாமோ ஊசல் ஊச லாகும்.’         

 - மு. வீ. யா. ஒ. 161

85

சின்னப்பூ

846. மிக்க நேரிசை வெண்பா அதனால்

    தக்க தசாங்கந் தன்னை நூறு

    தொண்ணூறு எழுபது ஐம்பது முப்பஃது

    எண்ணப் பாடின் சின்னப் பூவே.

இது சின்னப்பூவினது இலக்கணம் கூறுகின்றது.
 

இ - ள்: சிறந்த நேரிசை வெண்பாவினால் தகுதி பெற்ற தசாங்கத்தினை நூறு
தொண்ணூறு எழுபது ஐம்பது முப்பது என்னும் எண்படப் பாடின் அது
சின்னப்பூவாம் என்றவாறு.

அரசனுடைய சின்னங்களை விரித்துக் கூறுதலான் சின்னப்பூ ஆயிற்று.

86