தனிநிலைச் செய்யுள் வகைப்பெயர்

855. வளமடல்¹ உலாமடல்² உலா³ அநு ராக

     மாலை⁴ மெய்க் கீர்த்தி⁵ புகழ்ச்சி மாலை⁶

    நாம மாலை⁷ தாரகை மாலை⁸

    உற்பவ மாலை⁹ தானை மாலை¹⁰

    வரலாற்று வஞ்சி¹¹ செருக்கள வஞ்சி¹²

    பலபொருள் வஞ்சி¹³ நிலைபெறு குழமகன்¹⁴

    பாதாதி கேசம்¹⁵ கேசாதி பாதம்¹⁶

    உவாத்தொழில்¹⁷ கூத்தர் முதலோர் தம்மை

    யாற்றுப் படுத்தல்^18-21 தூது ஆகும் இருதிணை

    போற்றுமஞ் சரி²² யெனப் புலவர் நிலைபெறச்

    சாற்றப் படும்அத் தனிநிலைச் செய்யுள்.

தனிநிலைச் செய்யுள் கூறுவான் தொடங்கியவற்றுள் இஃது அது பெறும்
பெயர் வேற்றுமையான் அதன் விரி இத்துணைத்து என்கின்றது.

     இ - ள்: வளமடல் முதல்மஞ்சரி ஈறாகச் சொல்லப்பட்ட
 இருபத்திரண்டும் அதன் விரியாம் என்றவாறு.        

    (95)

ஒத்த நூற்பா

     தனிநிலை, தொடர்நிலை வேறுபாடின்றிப் பன்னிருபாட்டியல் பிரபந்தத்
 தொகுப்பைக் குறிப்பிடும் நூற்பா பின்வருமாறு:

     ‘மேதகு சாதகம் பிள்ளைப் பாட்டே

     கோதில் வேந்தன் குடைமங் கலமே

     யோதிய வொருபோ கமைந்த கலம்பக

     முலாவே சின்னப் பூவே பரணி

     பழுதின் மடன்மறம் பல்சந்த மாலை

     யிணைமணி மாலை யிரட்டைமணி மாலை