இராசி உரிமை

882. கற்கட கம்தேள் மீனம் மூன்றும்

    முற்படு பாவி னிற்படும் இராசி;

    மேடமும் சிங்கமும் வேணுவும் அகவற்

    பாடுறும்; மிதுனமும் துலையும் கும்பமும்

    கலிக்குரித் தாகும்; இடபமும் கன்னியும்

    ஒலிப்படு மகரமும் வஞ்சிக்கு உரிய.

இது நான்கு பாவுக்கும் இராசி உரிமை கூறுகின்றது. பொருள் வெளிப்படை.

     நாளும் இராசியும் கூறிய முறையால் பாட்டுடைத் தலைவன்
பெயர்க்குப் பொருத்தம் உடையன கொண்டு பாடுக என்பது
பயன்.                                               

 (122)

 விளக்கம்

     பன்னிரண்டு இராசிகளும் முறையே மேடம், இடபம், மிதுனம், கடகம்,
சிம்மம், கன்னி, துலாம், விருச்சிகம், தனுசு, மகரம், கும்பம், மீனம் ஆவன
அறிக.                                 

122