‘ஓத்து எனப்படுவது ஓர்இனப் பொருளைக்

     கோத்துஒரு நெறிபடக் கூறுவ தாகும்.’       

- மாறன் 17

                                                     134

படல இலக்கணம்

895. ஒருநெறி இன்றி விரவிய பொருளால்

    பொதுமொழி தொடரின் அதுபடல மாகும்.

இது படலத்தின் இலக்கணம் கூறுகின்றது.

     இ - ள்: ஒரு நெறியன அன்றிப் பல்வேறு வகையவாம்
எழுத்திலக்கணத்தினையும் சொல்லிலக்கணத்தினையும் பொருள்
இலக்கணத்தினையும் பொருள் என்பதொரு முறைமைபற்றி இயைபு நோக்கிப்
பொதுவகையான் தொகுத்துக் கூறுவது படலமாம் என்றவாறு.

     படலம் எனினும் அதிகாரம் எனினும் ஒக்கும்.
 

 (135) 

ஒத்த நூற்பாக்கள்

முழுதும் - தொல். பொ. 483. பே.

     ‘ஒருநெறி...................தொடர்வது படலமாகும்.’       

- நன். 16

     ‘படலம் என்பது பன்னெறிப் பொருளால்

     புடைபட விரவிய பொதுமொழித் தொடர்பே.’   

- மாறன். 18

     [வீரசோழியம், பிரயோக விவேகம் முதலியவற்றில் படலம் என்பது
இயல் என்னும் பொருளில் வந்துள்ளமையும் குறித்து
உணரத்தக்கது.]                                      

 135

பிண்ட இலக்கணம்

896. மூன்றுஉறுப்பு அடக்கிய தன்மைத் தாயின்

    தோன்றுமொழிப் புலவர்அது பிண்டம் என்ப.

இது பிண்டத்தின் இலக்கணம் கூறுகின்றது.