முப்பத்திரண்டு உத்தி வகைகள்

898. ஒத்த காட்சியின் உத்திவகை விரிப்பின்

    நுதலியது அறிதல்¹ அதிகார முறையே²

    தொகுத்துக் கூறல்³ வகுத்துமெய் நிறுத்தல்⁴

    மொழிந்த பொருளோடு ஒன்ற அவ்வயின்

    மொழியா ததனை முட்டின்று முடித்தல்⁵

    வாரா ததனால் வந்தது முடித்தல்⁶

    வந்தது கொண்டு வாராதது உணர்த்தல்⁷

    முந்து மொழிந்ததன் தலைதடு மாற்றே⁸

    ஒப்பக் கூறல்⁹ ஒருதலை மொழியே¹⁰

    தன்கோள் கூறல்¹¹ முறைபிற ழாமை¹²

    பிறன்உடம் பட்டது தான்உடம் படுதல்¹³

    இறந்தது காத்தல்¹⁴ எதிரது போற்றல்¹⁵

    மொழிவாம் என்றல்¹⁶ கூறிற்று என்றல்¹⁷

    தான்குறி யிடுதல்¹⁸ ஒருதலை அன்மை¹⁹

    முடிந்தது காட்டல்²⁰ ஆணை கூறல்²¹

    பல்பொருட்கு ஏற்பின் நல்லது கோடல்²²

    தொகுத்த மொழியான் வகுத்தனர் கோடல்²³

    மறுதலை சிதைத்துத் தன்துணிபு உரைத்தல்²⁴

    பிறன்கோள் கூறல்²⁵ அறியாது உடம்படல்²⁶

    பொருளிடையிடுதல்²⁷ எதிர்பொருள் உணர்த்தல்²⁸

    சொல்லின் எச்சம் சொல்லியாங்கு உணர்த்தல்²⁹

    தந்துபுணர்ந்து உரைத்தல்³⁰ ஞாபகங் கூறல்³¹

    உய்த்துக்கொண்டு உணர்த்தலொடு³²

மெய்ப்பட நாடிச்

    சொல்லிய அல்ல பிறஅவண் வரினும்

    சொல்லிய வகையாற் சுருங்க நாடி

    மனத்தி னெண்ணி மாசறத் தெரிந்துகொண்டு

    இனத்திற் சேர்த்தி உணர்த்தல் வேண்டும்;

    நுனித்தகு புலவர் கூறிய நூலே.