320                      இலக
320

இலக்கண விளக்கம் - பொருளதிகாரம்


 

     ‘தொகுத்தலும் விரித்தலும் தொகைவகை விரியின்

     பகுத்தலும் மொழிபெயர்த் தலும்எனும் பான்மைய.’ 

- மாறன் 12

                                                       141

 

சார்புநூல் இலக்கணம்

 

902. இருவர் நூற்கும் ஒருசிறை தொடங்கித்

    திரிபுவேறு உடையது புடைநூல் ஆகும்.

 

இது புடைநூலின் இலக்கணம் கூறுகின்றது.

 

     இ - ள்: முதல் நூற்கும் வழி நூற்கும் ஒரு மருங்கு ஒப்ப
எடுத்துக்கொண்டு, முடிபு ஒன்றாகக் கூறுமாறு வேறுபாடு உடையது சார்பு
நூலாம் என்றவாறு.
 

     புடைநூல் எனினும் சார்புநூல் எனினும் ஒக்கும்.

 

     திரிபாவது 1 படலத்தின் இலக்கணம் ஓத்தில் கிடக்கவும், 2 படலத்தின்

இலக்கணங்களைத் தொகுத்து ஒரு சூத்திரத்தில் கிடக்கவும், 3 ஓத்தின்
இலக்கணம் ஒரு சூத்திரத்தில் கிடக்கவும், 4 ஒரு படலத்தில் கூறும்
இலக்கணம் மற்றொரு படலத்தின் இயைபுநோக்கிக் கிடக்கவும், 5 படலத்து
ஒழிபோடு பிண்டத்து ஒழிபு சேர்ந்து கிடக்கவும், 6 காலவேறுபாட்டால்
பெறுவனவும் சின்னாள் பல்பிணி சிற்றறிவினோர்க்கு அறிவுறுத்தற்

பாருட்டுத் தொகைவகை விரிபடச் செய்தலாம் என்று உணர்க.
 

     அவற்றுள்,

 

     1 - படலத்தின் இலக்கணம் ஓத்தில் கிடத்தலாவது, ஆசிரியர்
தொல்காப்பியனார் எழுத்ததிகாரத்தில் கூறிய பொதுவகையான் புணரும்
இயல்பும், விரிந்த