1. பகல் + இரவு = பகலிரவு - மெய்முன் உயிர்வரப் பொருந்துதல்.
2. கல் + இல்லை = கல்லில்லை - தனிக்குறில் முன் உயிர் வர இரட்டல்.
3. தகடு + அரிது = தகடரிது - குற்றியலுகர முன் உயிர் வர உகரம் கெட்டு
மெய்யும் உயிரும் பொருந்துதல்.
4. பலா + காய் = பலாக்காய் - தான் மிகுதல்.
5. மா + காய் = மாங்காய் - இனம் மிகுதல்.
6. இரா : இர - (இரவில் = இர + இல்) ஈற்று உயிர் குறுகியது.
7. நிலவு - குறுகி உகாரம் ஏற்றது.
8. மக + அத்து = மகத்து - வருமொழி முதல் கெடல்.
9. நீ + கை = நின்கை - முதல் கெட்டது.
10. பத்து + இரண்டு = பன்னிரண்டு - முதலலது ஏகியது.
11. இரண்டு + பத்து = இருபது - இடை ஏகியது.
12. ஆடு + கால் = ஆட்டுக்கால் - இடை மிகுந்தது.
13. ஒன்பது + பத்து = தொண்ணூறு - சொல் கெட்டது.
14. பொருந் + கடிது = பொருநுக்கடிது - ஒற்று உகரம் ஏற்றது.
15. ஈற்றயல் ஒற்று இரட்டியதற்கு உதாரணம் தெரியவில்லை.
16. நீயிர் + ஐ = நும்மை - பல குறுகியது.
17. பலா + கோடு = பலாஅக்கோடு - அளபு ஏற்றது.
18. வேட்கை + அவா = வேணவா - உயிர்வரின் டகரம் ணகரமாக மாறிப்
பொருந்தியது. பல கெடுதல், உயிர்வரின் ட, ண ஆகல் என்பவற்றிற்குரிய
உதாரணங்களின் பொருத்தம் ஆராய்தற்கு உரியது. |