உரை : பொருளை உயர்த்திக்கூறி உவமையைத் தாழ்த்திக் கூறுவது
நிந்தை உவமையணி. ஒரு பொருளுக்கு இல்லாத பண்பைச் சேர்த்துக்கூறி
உவமையாக்குவது கூடாமை உவமையணி. ஒரு பொருளை விட உவமையை
உயர்த்திக் கூறி அவ்வாறு உயர்த்திக் கூறினாலும் உயர்வு இல்லாது
ஒப்புஇல்லை என்று கூறுவது இன்சொல் உவமையணி. அரிய பொருள்
ஒன்றுக்குப் பல உவமைகளைக் கூறுவது பல பொருள் உவமையணி.
உவமையையும் பொருளையும் ஐயப்பட்டுக் கூறுவது ஐய உவமை. ஐயப்பட்ட
பொருளை ஆராய்ந்து துணிவது தெரிதருதேற்ற உவமையணி. இந்தப்
பொருளால் மட்டுமின்றி வேறுசிலவற்றாலும் ஒக்கும் என்பது சமுச்சய உவமை.

     உரை : ஒரு பொருள்மேல் எழுந்த வேட்கை வெளிப்படும்படி
கூறுதல் மோக உவமையணி. இன்ன பொருளுக்கு