மொழிப் பதத்தின் பின்னர் வருமொழி முதல் வல்லினம் வந்து புணர்ந்தால், இடையே ¹அவ்வவ்வந்த வல்லொற்றும் வல்லின வருக்கவொற்றும் மிக்கு முடியும் (எ-று.)

(14)

15. இ, ஈ, ஐ என்பவற்றுடன் நகரம் புணர்தலும், ழகர ளகர மெய்களுடன் தகரம் புணர்தலும்

நான்கொடு மூன்றொன்ப தாமுயி ரின்பின்பு நவ்வருமேல்
ஏன்ற ஞகாரம தாகும்; பதினைந்தொ(டு) எண்ணிரண்டாய்த்
தோன்றுடற் பின்னர்த் தகாரம் வரினிரண் டுந்தொடர்பால்
ஆன்றவைந் தாமுடல் ஆம்;முன்பி லொற்றுக் கழிவுமுண்டே.

(இ-ள்.) நான்கொடு மூன்று ஒன்பதாம் உயிரின் பின்பு நவருமேல் என்ற ஞகாரமதாகும் . ²இகர ஈகார ஐகார உயிரீற்று நிலைமொழிப் பதத்தின் பின்னர் வருமொழி முதல் நகாரம் வந்து புணர்ந்தால், வந்த நகாரமானது ஞகாரமாம்; ³பதினைந்தொடு எண்ணிரண்டாய் தோன்று உடல் பின்னர் தகாரம் வரின் இரண்டும் தொடர்பால் ஆன்ற ஐந்தாம் உடலாம் - ழகார ளகார ஒற்றீற்று நிலைமொழிப் பதத்தின் பின்னர் வருமொழி முதல் தகாரம் வந்து புணர்ந்தால், நிலைமொழியீறும் வருமொழி முதலும் திரிந்து தனித்தனி இரண்டும் டகாரமாம்; ⁴முன்பில் ஒற்றுக்கு

(பாட்டீமை முதலிய நான்கும் வேறு பிரதியில் உள்ள உதாரணம்)