அழிவு முண்டே - பின்னும் அவ்விலக்கணத்துள் நிலைமொழி ஈற்றிற்கு அழிவுமுண்டு (எ-று.)

(15)

16.ளகரமெய் வல்லினத்தோடும் நகர மகரங்களோடும் புணர்தலும்,தனி நெடிற்பின் வரும் ளகரமெய் தகரத்தோடு புணர்தலும்

எண்ணிரண் டாமொற்று வன்மைவந் தாற்பின் பியைந்தவைந்தா
நண்ணிய வொற்றாம், நகரம் வரின்முன்மெய் ணவ்வதுவாம்;
தண்ணிய மவ்வந் திடினு மஃதே; தனிநெடிற்பின்
பண்ணிய வொற்றுப்பின் றான்வரப் போமொரு காற்பயின்றே.

(இ-ள்.) எண்ணிரண்டாம் ஒற்று வன்மை வந்தால் பின்பு இயைந்த ஐந்தா நண்ணிய ஒற்றாம் -¹ளகாரவொற்றீற்று நிலைமொழிப் பதத்தின் பின்னர் வருமொழி முதல் வல்லினம் வந்து புணர்ந்தால், அந்த ளகாரமானது டகாரமாம்;² நகரம் வரின் முன்மெய் ணவ்வதுவாம் - ளகர வொற்றீற்று நிலைமொழிப் பதத்தின் பின்னர் வருமொழி முதல் நகாரம் வந்து புணர்ந்தால், அந்த ளகாரமானது ணகாரமாம்; தண்ணிய மவந்திடினும் அஃதே - ³ளகர வொற்றீற்று நிலைமொழிப் பதத்தின் பின்னர் வருமொழி முதல் மகாரம் வந்து புணர்ந்தால், அந்த ளகாரமானது ணகாரமாம்; தனி நெடில் பின் பண்ணிய ஒற்றுப் பின் ⁴தான் வரப்போம் ஒருகால் பயின்றே - ⁵தனி நெடிற்கீழ் நின்ற ளகரவொற்றின் பின்னர் வருமொழி முதல் தகாரம் வந்து புணர்ந்தால், ஆதேசமான டகாரங்களுள் தனிநெடிற்கீழ் வந்த டகாரம் கெடும் (எ-று.)

17. லகரமெய் நகரத்தோடும் யகரத்தோடும் வல்லினத்தோடும் புணர்தலும்,
யகரமெய் நகரத்தோடு புணர்தலும்

பன்மூன்ற தாமுடல் நப்பின் வருமெனி னீற்றெழுத்தாம்;
பன்னேழ தாம்வன்மை பின்வரின்; ஆயிடைத் தவ்வுமஃதாம்;

5. வாள் + தீது = வாடீது.
வேள் + தீயன் = வேடீயன்.