யிற்றின் நாற்சீரடியாய் வருவன சிந்தாகவும், ஒழிந்தன சிந்துப் போலியாகவும் வழங்குப எனக் கொள்க.

தனி வெண்பாவாவது,

'ஒன்றைந்தெட் டாகியசீ ரொத்த வெதுகையாய்
நின்றபதின் மூன்றொன்பா னேரொத்து--நன்றியலு
நீடுசீர் மூவைந்தா னேரிசைவெண் பாவென்பர்
நாடுசீர் நாப்புலவர் நன்கு.

இது நாலடியாகிப் பதினைந்து சீராய் நடுவு தனிச்சொற் பெற்று வந்தவாறு கண்டுகொள்க.

(இ - ள்.) முதற்சீரும் ஐந்தாஞ்சீரும் எட்டாம்சீரும் தம்மில் ஒத்த எதுகையாய், பதின்மூன்றாம் சீரும் ஒன்பதாஞ் சீரும் ஒத்த எதுகையாய்ப் பதினைந்து சீரால் வந்தது வெண்பாவாம்; இதனை நேரிசை வெண்பா என்பாருமுளர்.

'நிகரி லிருவிகற்ப நேரிசைவெண் பாவைப்
பகரிற் பரிசறிவார் மாட்டுப் - புகரிலா
இன்குறள் வெண்பா விரண்டாய்த் தனிச்சொல்லு
நன்குறளாய் நிற்கு நடு.

'மூண்டுமலி நேரிசை வெண்பா முதற்குறட்பா
வேண்டுதனிச் சொல்லோடு விட்டிசைக்கில் --ஆண்டடியில்
ஆசிடை யொன்றிரண்டு வந்தமர்ந்தான் மற்றதன்பேர்
ஆசிடை வெண்பாவென் றார்.

இனி வெண்பாப் போலியாவது, இவ்விலக்கணங்களான் மிக்கும், குறைந்தும் இதுவே போல வரும்.

வரலாறு:-

*'வளம்பட வேண்டாதார் யார்யாரு மில்லை
அளந்தன போக மவரவ ராற்றான்
விளங்காய் திரட்டினா ரில்லை
களங்கனியைக் காரெனச் செய்தாரு மில்.