(இ - ள்.) ஈரடியால் வருவது குறள் வெண்பாவாம்; மூவடியால் வருவது சிந்தியல் வெண்பாவாம்; நான்கடியால் வருவது நேரிசை வெண்பாவாம்; நான்கடியின் மிக்கு வருவது பஃறொடை வெண்பாவாம்; நேரிசை வெண்பாப் போன்று அதனின் நீண்டு வருவது கலி வெண்பாவாம்; நேரிசை வெண்பா விகற்பிக்க இன்னிசை வெண்பாவாம் (எ-று.)

விகற்பமாவது:-முதலடியிலே தனிச்சொற் பெற்று வேறொரு விகற்பமாய் வருவதுவும், இரண்டாமடி தனிச்சொற் பெற்று வேறொரு விகற்பமாய் வருவதுவும், மூன்றாமடி தனிச்சொற்பெற்று வேறொரு விகற்பமாய் வருவதுவும், தனிச்சொலின்றி நான்கடியும் பல விகற்பமாய் வருவதுவும், தனிச்சொல்லின்றி நான்கடியும் ஒரு விகற்பமாய் வருவதுவும் இன்னிசையாம்.

வரலாறு:-

¹'சாதலி னின்னாத தில்லை யினிததூஉம்
ஈத லியையாக் கடை.'

இது குறள் வெண்பா.

²'அரங்கின்றி வட்டாடி யற்றே நிரம்பிய
நூலின்றிக் கோட்டி கொளல்.'

இது விகற்பக் குறள் வெண்பா.

³'நற்கொற்ற வாயி னறுங்குவளைத் தார்கொண்டு
சுற்றும்வண் டார்ப்பப் புடைத்தாளே பொற்றேரான்
பாலைநல் வாயின் மகள்.'

இது நேரிசைச் சிந்தியல் வெண்பா.

⁴'நறுநீல நெய்தலுங் கொட்டியுந் தீண்டிப்
பிறநாட்டுப் பெண்டிர் முடிநாறும் பாரில்
அறநாட்டுப் பெண்டி ரடி.'

இது இன்னிசைச் சிந்தியல் வெண்பா.

'ஒன்றைந்தெட் டாகியசீ ரொத்த வெதுகையாய்
நின்றபதின் மூன்றொன்பா னேரொத்து-நன்றியலு