(இ-ள்.) ஏழென்னு மெண்ணுப் பெயர்க்குமுன் எண்ணுப் பெயரும், நிறைப் பெயரும்,
அளவுப் பெயரும் வரின் நெடுமுதல் குறுகலும் உகரச்சாரியை வருதலுமாம்.

(வ-று.) ஏழ் + மூன்று = ஏழுமூன்று, ஏழுகழஞ்சு: ஏழுகலன் என வரும். (217)

ஏழின்முன் ஆயிரம்

377. ஆயிரம் வரிற்கெடு முகரச் சாரியை.

(இ-ள்.) ஆயிரமென்னு மெண்ணுப்பெயர் வரின் உகரச் சாரியை கெடும்.

(வ-று.) ஏழாயிரம். (218)

கீழின்முன் வல்லினம்

378. கீழின்முன் வன்மை விகற்பமு மாகும்.1

(இ-ள்.) கீழென்னுந் திசைப்பெயர்முன் வருகிற வல்லெழுத்து விகற்பமுமாகும்.

(வ-று.) கீழ் + குலம் = கீழ்க்குலம். (219)

10. ளகர ஈறு

ளகரத்தின்முன் வல்லினம்

379. ளகரம் டகரமாம் வேற்றுமைப் பொருட்கே.

(இ-ள்.) வேற்றுமைக்கண், க, ச, த, ப க்கள் வரின் ளகர மெய் டகரவொற்றாகத்
திரியும்.

(வ-று.) முள் + குறை = முட்குறை. (220)

ளகரத்தின் முன் மெல்லினம்

380. மெல்லெழுத் தியையின் ணகர மாகும்.2

(இ-ள்.) மெல்லெழுத்து வந்து புணரின் ணகாரமாகும்.

(வ-று.) முள் + மரம் = முண்மரம். (221)

1. நன். எழுத் - மெய்யீற் - 23.

2. தொல் - எழுத் - புள்ளி - 102.