(இ-ள்.) ஆண்மைச் சினைப்பெயர், பெண்மைச் சினைப்பெயர், ஒருமைச்
சினைப்பெயர், பன்மைச் சினைப்பெயரெனச் சினைப்பெயர் நான்காமென்க.

(வ-று.) முடவன் - ஆண்மைச் சினைப்பெயர், முடத்தின் பெண்மைச் சினைப்பெயர்,
செவியிலி - ஒருமைச் சினைப்பெயர், செவியிலிகள் - பன்மைச் சினைப்பெயர். (30)

இயற்பெயர்

488. ஆண்மை யியற்பெயர் பெண்மை யியற்பெயர்
     ஒருமை யியற்பெயர் பன்மை யியற்பெயர்
     அந்நான் காகு மியற்பெயர் மொழியே.

(இ-ள்.) ஆண்மை யியற்பெயர், பெண்மை யியற்பெயர், ஒருமை யியற்பெயர்,
பன்மை யியற்பெயர் என இயற்பெய ரொரு நான்காமென்க.

(வ-று.) சாத்தன் - ஆண்மை யியற்பெயர், சாத்தி - பெண்மை யியற்பெயர், கோதை -
ஒருமை யியற்பெயர், கோதைகள் - பன்மை யியற்பெயர். (31)

சினை முதற்பெயர்

489. ஆண்மைச் சினைமுதல் பெண்மைச் சினைமுதல்
     ஒருமைச் சினைமுதல் பன்மைச் சினைமுதல்
     எனநான் காகுஞ் சினைமுதற் கிளவி.

(இ-ள்.) ஆண்மைச் சினைமுதல், பெண்மைச் சினைமுதல், ஒருமைச் சினைமுதல்,
பன்மைச் சினைமுதலெனச் சினைமுதற்பெயர் நான்காகும்.

(வ-று.) முடக்கொற்றன் - ஆண்மைச்சினை முதல், முடக்கொற்றி - பெண்மைச்
சினைமுதல், கொடும்புறமருதி - ஒருமைச்சினைமுதல், கொடும்புற மருதிகள் -
பன்மைச்சினைமுதல். (32)

முறைப் பெயர்

490. ஆண்மை முறைப்பெயர் பெண்மை முறைப்பெயர்
     எனவிரு திறத்தவா முறைப்பெயர்க் கிளவி,

(இ-ள்.) ஆண்மை முறைப்பெயர் பெண்மை முறைப் பெயர் என முறைப்பெயர்
இரண்டாகும்.