| சொல்லதிகாரம் | 142 | முத்துவீரியம் |
நான்காம் வேற்றுமை
517. குவ்வே நான்கன துருபா
கும்மே.
(இ-ள்.) நான்காம்
வேற்றுமை யுருபாவது குவ்வொன்றேயா மென்க. (60)
அதன் பொருள் நிலை
518. கொடைபகை சிறப்புக்
காத றகுதி
அதுவாதன் முறைபொருட்
டதன்பய னிலையே.
(இ-ள்.) கொடையும்,
பகையும், சிறப்பும், காதலும், தகுதியும், அதுவாதலும்,
முறையும்,
பொருட்டும் நான்காம் வேற்றுமைப் பொருணிலையாமென்க.
(வ-று.) இரவலர்க்குப்
பொன் கொடுத்தான், பாம்புக்குக் கருடன் பகை, கற்பார்க்குச்
சிறந்தன செவி நட்டார்க்குக் காதலன், அருங்கல
னரசர்க்குரித்து, குண்டலத்திற்குப்பொன்,
சாத்தனுக்கு மகனிவன், கூலிக்குக் குற்றேவல்.
(வி-ரை.) மேலைய நூற்பாவும்
இந்நூற்பாவும்,
‘நான்கா வதற்குரு பாகுங்
குவ்வே
கொடைபகை நேர்ச்சி தகவது வாதல்
பொருட்டுமுறை யாதியின் இதற்கிதெனல் பொருளே’
(பெயர்-41)
என்னும் நன்னூற்
கருத்தைத் தழுவியனவாகும். (61)
ஐந்தாம் வேற்றுமை
519. இல்லு மின்னுமைந்
தாவத னுருபே.
(இ-ள்.) ஐந்தாம் வேற்றுமை
யுருபாவது இல், இன் ஆம். (62)
அதன் பொருள் நிலை
520. அச்ச மாக்க மதனொடு தீர்தல்
பற்றுவிட னீங்க
லொப்பில்லை யேது
பிறவு மதன்பொரு ணிலையா
கும்மே.
(இ-ள்.) அச்சமும்,
ஆக்கமும், தீர்தலும், பற்றுவிடலும், நீங்கலும்,
ஒப்பும், எல்லையும்,
ஏதுவும், ஐந்தாம் வேற்றுமைப்
பொருணிலையாம்.
|