ஆறனுருபொடு நான்க னுருபு வருதல்

547. இதன திதுவித் தன்மைத் தென்னும்
     ஆறாவ தன்பொருண் மையினு மாகும்.

(இ-ள்.) இதனது இஃது இத்தன்மைத்து என்னும் ஆறாவதன் பொருண்மையோடும்
வரும்.

(வ-று.) யானையது கோடுகூரிது. யானைக்குக் கோடுகூரிது (90)

இரண்ட னுருபொடு நான்கனுருபு வருதல்

548. ஒன்றனை யொன்றுகொள் ளிரண்டினும் வருமே.

(இ-ள்.) ஒன்றனையொன்று கொள்ளும் என்னும் இரண்டாவதன் பொருண்மையோடும்
வரும்.

(வ-று.) இவளைக்கொள்ளு மிவ்வணி, இவட்குக்கொள்ளு மிவ்வணி. (91)

மூன்ற னுருபொடு நான்கனுருபு வருதல்

549. ஒன்றினா லொன்று தொழிற்படற் கொத்த
     மூன்றா வதனொடு முடிந்துநின் றொழுகும்.

(இ-ள்.) ஒன்றினாலொன்று தொழிற்படற்கு ஒக்கும் என்னும் மூன்றாவதன்
பொருண்மையோடும் வரும்.

(வ-று.) அவராற்செய்யத் தகுமக்காரியம், அவர்க்குச்செய்யத் தகுமக்காரியம். (92)

ஐந்தனுருபொடு நான்கனுருபு வருதல்

550. நிலம்வரைக் கிளவி யைந்தொடு நிலையும்.

(இ-ள்.) நிலத்தை வரைந்து கூறும் ஐந்தாவதன் பொருண்மையோடும் வரும்.

(வ - று.) கருவூரின்கிழக்கு, கருவூர்க்குக்கிழக்கு. (93)

ஆறனுருபொடு நான்கனுருபு வருதல்

551. முறைப்பெய ராறினு முளைக்கு மென்ப.

(இ-ள்.) முறைப் பொருண்மையைத் தரும் ஆறாவதன் பொருண்மையோடும் வரும்.