மாத்திரையின் அளவு

96. 1 இயல்பெழு மாந்த நிமைநொடி மாத்திரை.

(இ-ள்.) மக்கள் சுபாவமாக எழுங் கண்ணிமைத்தலும், கைந்நொடித்தலு
மாத்திரைக்களவாம். (96)

அதன் வேறு பெயர்கள்

97. மட்டள வொடுமிதம் வரைமாத் திரையே.

(இ-ள்.) மட்டெனினும், அளவெனினும், மிதமெனினும், வரையெனினும்,
மாத்திரையென்னும் ஒருபொருட் கிளவி. (97)

மாத்திரையின் நாற்கூறு

98. உன்னல் காலே யூன்ற லரையே
    முறுக்கன் முக்கால் விடுத்த லொன்றே.

(இ-ள்.) உன்னல் கால்மாத்திரை, ஊன்றல் அரை மாத்திரை, முறுக்கல் முக்கால்
மாத்திரை, விடுத்தல் ஒரு மாத்திரையாம். (98)

குறில், நெடில்களுக்குரிய மாத்திரை

99. ஒன்றே குறினெடி லிரண்டள பாகும்.

(இ-ள்.) குற்றெழுத்துக்கு ஒரு மாத்திரை, நெட்டெழுத்துக்கு இரண்டு மாத்திரையாம்.

(வ-று.) அ, ஆ. (99)

ஒரு மாத்திரை பெறும் எழுத்துக்கள்

100. ஐ, ஒளக் குறுக்கமொற் றளபெடை யொன்றே.

(இ-ள்.) ஐகாரக் குறுக்கத்துக்கும், ஒளகாரக் குறுக்கத்துக்கும், ஒற்றளபெடைக்கும்
தனித்தனி ஒரு மாத்திரையாம்.

(வ-று.) ஐப்பசி, ஒளவை, சங்ங்கு. (100)

அரை மாத்திரை பெறும் எழுத்துக்கள்

101. அஃகிய இ, உ, வாய்தமெய் யரையே.

1. நன் - எழுத்து - 45.