முகப்பு தொடக்கம்
 
எழுத்திலக்கணம்054
41.அலகுஉறுப்பு உரைத்தனம்; அவற்றின் அணிநிலை
 பற்பல விதமாப் பகர்துலை நிறைநிலை
 இந்நூல் நாப்பண் இயம்புதல் இயல்பல
 ஆதலின் விரித்திலம். அறைகுதும் கூட்டே.
இவ்வாறு அலகு உறுப்புகளைக் கூறினோம். அவற்றின் இயைபுடைய அலகுகளாக நிறுத்தலளவின் அலகுகளும் உள்ளன. அவைகள் பல்வேறு விதமாகக் கூறப்படுகின்றன. அவைகளையெல்லாம் மொழி இலக்கணமாகிய இந்நூலில் விரித்துரைத்தல் பொருந்தாது. எனவே அத்தகைய அலகுகள் அனைத்தையும் விரித்துரைக்காமல் கூட்டெழுத்துகளைக் கூறத்தொடங்குவோம் என்றவாறு.
(41)
6. கூட்டெழுத்துகள்
42.அகரத்து ஈறுதொட்டு அதன்இடம் சுழித்து
 வலங்கொணர்ந்து அதனொடுநாழிஎன் எழுத்தைப்
 பொருத்தில் ஆகஎன்று ஆயிற்று என்றும்,
 றகரத் தலைபுணர் இகரம்இக்கு என்றும்,
 ககரத் தகரத்து ஈற்றினை இரட்டித்து
 ஒற்றெழுத்து அவற்றொடு கூடிற்று என்றும்,
 ஐகா ரத்தின்முற் பகுதிமட் டெழுதி,
 ஈறு தொட்டு வலத்துஓர் கிடைவரை
 இழுக்கில்நெல் என்றும், சகரத்து ஈற்றுஒரு
 லிகரம் கூட்டில் சங்கிலி என்றும்
 இவ்வாறு உளகூட் டெழுத்துஎலாம் மொழியில்
 அடங்கா; ஆதலின் அறைகிலம்; ஆயினும்
 கூடும்நாண் மிகலாற், குலவுஅலகு உறுப்பூடு
 அயல்போன்று உளசில அகற்றிடற்கு அரியன
 அவ்வியல்பு உரைக்குதும் அறிந்த வாறே.
அகரத்தின் கடைசிப் பகுதியிலிருந்து இடப்புறம் சுழித்து வலமாகக் கொண்டு வந்து அவ்வடிவத்துடன் நாழியின் குறியீட்டை (நிலைவரை நீங்கிய வகரம்) இணைத்தால் அது ஆக எனப்படிக்கப்படும். றகரத்தைத் தொடங்கி அதன் கீழ்க் கோட்டிலிருந்து சுழியறற் இகரம் வரையப்பட்டால் இக்கு
மேல்