| உம்பர், இடங்கர் - உயர்திணைபோன்ற அஃறிணை ஒருமைச்சொற்கள் |
| கலன், புலன் - உயர்திணை ஆண்பால்போன்ற அஃறிணைச்சொற்கள் |
| உறையுள், கள் - உயர்திணை பெண்பால்போன்ற அஃறிணைச்சொற்கள். |
| இவ்வறுவகையிலக்கணம் பெரிதும் பள்ளிச் சிறார்களின் தகுதியில் உள்ள மாணவர்களை நினைந்தே செய்யப்பட்டமையில் பொருள் அறிந்து திணை, பால் காண்க என்னாது பெரியோர்பால் அடைந்து தெளிக என்றார். (204) |
| 40. | பெயர்ச்சொல் ஒருவாறு பேசினம்; வினைச்சொல் | | | அறிந்த வாறுஈண்டு அறைகுதும் அன்றே. |
|
| பெயர்ச்சொற்களைப்பற்றிய சில செய்திகளை இதுவரை உரைத்தாம். இனி அடுத்து வினைச் சொற்களைப்பற்றி யாம் அறிந்தஅளவு கூறுவாம் என்றவாறு. |
| இச்சூத்திரத்தால் பெயர்ச்சொல்வகை என்னும் இப்பிரிவு நிறைவுசெய்யப்பட்டு மூன்றாவதாகிய வினைச்சொல்வகைக்குத் தோற்றுவாய் செய்துகொள்ளப்பட்டது. (205) |
3.வினைச்சொல் வகை |
| 41. | உண்டல் உறங்கல் போதல் வரல்முதல் | | | அனையன பிறவும் பொதுவினை யாமே, |
|
| உண்டல், உறங்கல், போதல், வரல் போன்றுள்ள சொற்கள் அனைத்தும் பொதுவினைகளாம் என்றவாறு. |
| இங்குக் காட்டப்பட்டுள்ள சொற்களைப் போன்றவை அனைத்தும் திணை, பால், இடம், காலம் போன்றவைகளைக் காட்டாமல் தொழிலை மட்டும் உணர்த்தி நிற்றலின் பொது வினை என்றார், இலக்கணத்தில் இவை தொழிற்பெயர் எனப்படும். |